උතුරු මැද පළාත් සභාවේ සෙංකෝලය
අනුරාධපුර කලා ශිල්ප ඇසුරින් නිර්මාණය කර ඇති අතර ඒ ඒ සංකේත වලින් පෙන්නුම් කරන අදහස් පහත දැක්වේ
සෙංකෝලය වටා ඇති වළලුදහය | – | දසරාජ ධර්මය පෙන්නුම් කරයි. (දානය, ශීලය, පරිත්‍යාගය, සෘජු බව, මෘදු බව, තපස, ක්‍රෝධ නොකිරීම, අවිහිංසාව, ක්ෂමාව, විරුද්ධ නැති බව) |
ඉහළ හතරැස් කොටුව | – | රාජ්‍ය පරිපාලන ධර්ම න්‍යාය (සාම, දාන, භේද, දණ්ඩ) පෙන්නුම් කරයි. |
නෙළුම් මල් | – | පවිත්‍රත්වය හා ප්‍රබුද්ධ බව පෙන්වයි. |
ධර්ම චක්‍රය | – | ධාර්මිෂ්ඨ බව පෙන්වයි. |
පුන්කලස | – | සෞභාග්‍යය දක්වයි. |
ඉර හඳ | – | තේජස් භාවය හා සෞම්‍ය භාවය |
ගජසිංහ රූපය | – | අනුරාධපුර දිස්ත්‍රික්කය නියෝජනය කරයි. |
වලස් රූපය | – | පොළොන්නරුව දිස්ත්‍රික්කය නියෝජනය කරයි. |
උතුරු මැද පළාත් සභා ධජය
- මැද රවුම තුළ රුවන්වැලි සෑය – අනුරාධපුර දිස්ත්‍රික්කය
- මැද රවුම තුළ පරාක්‍රම පිළිරුව – පොළොන්නරුව දිස්ත්‍රික්කය
- වී කරල් – සශ්‍රීක බව
- දියරැළි – වැව් බැඳි රාජ්‍යය
- නෙළුම් මල් හතර – පාරිශුද්ධ බව
- හක්ගෙඩි හතර – සෞභාග්‍යය
- කහ වර්ණය සහිත වාටිය – සිංහල බෞද්ධ නියෝජනය
- කොළ හා තැඹිලි වර්ණය – සුළු ජාතික නියෝජනය
- මැද වර්ණය – ජාතික කොඩියේ වර්ණය
උතුරු මැද පළාත් සභා ගීතය
දිලේ රන්වන් සෑ හිසින් හිරු
රන් කිරණ ගෙන සිළුමිණේ
සැලේ මහ බෝ ළාදළු පවනින්
සිසිල පතුරා බුදු ගුණේ
සයුරු පරදන වැව් තලා මත
සිය දහස් සියපත් පිපේ
අතවනා සිරිකතට හිනැහෙයි
රන් කරල් පුලතිසි කෙතේ
සව් සරින් ගැදි පැදි කුසුම් මී
පන් හිදෙන උතුරා හැලේ
රළු පරඔ සෙල් කුළු මෙළෙක් වී
රෑ රටා විස්කම් මැවේ
සියකමින් නොව යුතුකමින් සිත්
පහන් කළ විරු පරපුරේ
ගැමුණු පැරකුම් රජුන් විකුමන්
දිසෙයි යළි රජරට බිමේ
ගී පද රචනය – පූජ්‍ය පල්ලේගම හේමරථන හිමි